Álfur frá Selfossi

Álfur gefur hross í meðallagi að stærð með frítt og skarpt höfuð, beina neflínu og vel opin augu. Hálsinn er reistur og mjúkur en all djúpur við háar herðar. Bakið er breitt og vöðvafyllt en getur vantað burð, lendin er öflug en oft áslaga. Afkvæmin eru fótahá og hlutfallarétt en stundum nokkuð brjóstdjúp. Fætur eru þurrir með öflugar sinar en nágengir. Hófar eru djúpir en frekar þröngir og prúðleiki í meðallagi. Álfur gefur úrvals tölt og brokk, taktgott, skref- og lyftingarmikið. Fetgangur er yfir meðallagi og að jafnaði skrefmikill, hrossin stökkva hátt og vel. Fjölhæfni afkvæmanna skiptir í tvö horn hvað vekurð varðar en nokkur eru vel vökur. Afkvæmin eru bráðviljug og samstarfsfús og fara frábærlega vel með háum fótaburði. Álfur gefur fríð og reist hross. Afkvæmin eru samstarfsfús og aðsópsmikil með úrvals fótaburð. Álfur hlýtur heiðursverðlaun fyrir afkvæmi og fyrsta sætið.

Álfur gefur hross í rúmu meðallagi að stærð með frítt höfuð, beina neflínu og vel opin augu. Hálsinn er reistur og mjúkur en nokkuð djúpur við háar herðar. Bakið er breitt og vöðvafyllt en stundum svagt, lendin öflug en áslaga. Afkvæmin eru hlutfallarétt en alloft nokkuð brjóstdjúp. Fætur eru prúðir og þurrir með öflugar sinar en nágengir að aftan. Hófar eru djúpir en frekar þröngir og prúðleiki í rúmu meðallagi. Álfur gefur taktgott, skrefmikið og mjúkt tölt og lyftingarmikið brokk. Flest afkvæmin eru alhliðageng, viljug og þjál og þau fara feikn vel með háum fótaburði. Álfur gefur fríð og reist hross. Afkvæmin eru viljug, þjál og hágeng, flest með öllum gangi, klárgangur betri. Álfur hlýtur fyrstuverðlaun fyrir afkvæmi og annað sætið.